donya wis wiwit tuwa
nalika srengenge mencorong panase sumelet
lemah bengkah banyu asat
manungsa susah, sambat …
panase kaya dipanggang

wektu mlaku terus kaya cakra manggilingan
nalika udan barat salah mangsa
banyu asat linurugan dadi krodha
tanpa sangkan nrajang samubarang
larut mirut, bosah-baseh
apa kang disasak kontal

manungsa kang tanpa daya
amung badan sepata
elinga Gusti kang Kuwasa
pasrah kang bakal kelakon
kabeh bakal bali
marang kang kagungan urip